أبناء مصر
الثلاثاء 29 أبريل 2025 مـ 04:45 صـ 2 ذو القعدة 1446 هـ
حزب أبناء مصر
رئيس الحزب م. مدحت حسنين بركات
اتصال هاتفي لوزير الخارجية والهجرة مع مستشار الأمن القومي البريطاني الوسط الصحفي يودع الكاتب الكبير محمد الدسوقي مدير تحرير الأهرام.. «صور» مدبولي: المنطقة الاقتصادية توفر فرصًا واعدة للمستثمرين بفضل موقعها الاستراتيجي وتكامل بنيتها التحتية رئيس الوزراء يتابع مع وزير العمل عددا من ملفات العمل رئيس الوزراء يستعرض التحديات التي تواجه الجامعة العُمالية والمسارات المقترحة لتطويرها موعد ومكان جنازة الكاتب الصحفي الكبير محمد الدسوقي مدير تحرير جريدة الأهرام رحاب غزالة: زيارة الرئيس السيسي لجيبوتي تُرسخ التعاون الإفريقي وتُعزز التضامن العربي رحاب غزالة: تحرير سيناء ملحمة خالدة وتجسيد لإرادة الشعب المصري سكرتير الوحدة المحلية بطهطا يقود حملات نظافة مكثفة بمحيط الكنائس.. «صور» وفد من «أبناء مصر» برئاسة مدحت بركات يشارك في قداس عيد القيامة بالكاتدرائية.. «صور» رئيس الوزراء يبدأ جولة تفقدية بعدد من المشروعات الخدمية في الإسماعيلية مصر ترحب بإعلان المفوضية الأوروبية عن البرنامج المالي متعدد السنوات للتعافي الفلسطيني

البيانيست الجنوبي «شعـــر»

جدى البيانيست الجنوبى

يملك بيانو جنب مجرى النيل

حبه النخيل قام حفظه النوتة

علمها تانجو رقصت التوتة

خلا المعابد تحضر البروفات

وانا كنت يومها فى خدمة الخواجات

(حنطور ياليدى/ أيوه ياسينيور)

يارب ابعت كتر البرانيط

يارب قلل صدقة الميرسى

يارب زود ندعة البقشيش

وشوش كتير وردت عليك يا البر

كل اما تحفظ وش ما بتلحقش

مع كل فوج مع كل جنسية

وانا لسه بـ أنقش بسمتى مضطر

فـ تدوب ملامحى ونقش يطمس نقش

وارجع فى آخر اليوم بربع نبيت

أجرى بشوقه لعشته عالشط

«ياجد»

Welcome*

* ياكلب يا ابن ابن الكلب

– الله يسامحها قلوب حبت

*اخبارها ايه الخلق دى اللى هناك/ والربُع فين

-عايشين بيجروا ياجد عـ الأرزاق والعيشة صعبة..

(لسه هستعبط)

*فين النبيت

– بالله ياجدى تبطل الخمرة

*طب بطل انت يا واد تجيبهالى

شرب القزازة وفنفس واحد /

وفضلنا نضحك واترمينا الجوز

ما اعرفش مين سكران ومين فايق ..

*النجمة دى

– مالها ياجد..؟!

*النجمة دى مالبوسطجيه القدام

جاية بتبرق ضيها مرسال

راكبالها عجلة والقمر بيلف

رنت جرسها بس قرب الفجر

الشمس طلعت كسرت البدال..

– الله «ياجد» وكمان بتشعر

*مارجريت

– كمل «ياجد»

* مارجريت.. مارجريت

وقعد بطول الليل يردد مارجريت

هى حبيبته اللندنية..

هى اللى علمته البيانو والنبيت

هى اللى دخلت قلبه لابسة الكعب

كان قلبه طمى ف طمى

لما نشف مالهوا / لما نشف مالهجر

على كعبها اتشكل

ملعون أبوه الحب ملعونة رحاه

وقعدت اردد ويا صوته مارجريت..مارجريت

يبكى… أبكى / يضحك …أضحك

وفكل ليلة احنا كما احنا..

انا ببكرايه العليل..وهو بذكرته الهشة

عايشين مابين محضين

دين الغريق ومذاهب القشة